خطبة على الفيس بوك

[دليلة]

يرن جرس الباب يروح صاحب البيت يفتح بلاقي الجماعة جايين على

الموعد بالزبط، الجماعة اللي همّه الشاب واسمه “سمير” وإمه وأبوه، جايين

يخطبوا البنت واسمها “سارة”… برحّب فيهم أبو سارة، وبعد السلام

والكلام ومرحبا فيكم وكيف الحال، وبدور الحوار التالي:


أبو سارة: ها يا سمير، شو بتشتغل؟

سمير: انا بشتغل في مجال الانترنت.

أبو سارة: مُبرمج يعني؟ ما شاء الله.. ممتاز.

سمير: لا يا عمّي انا مش مبرمج.

أبو سارة: أكيد مُصمّم غرافيك إذا هيك.. هاد المجال إلو مستقبل كبير.

سمير: لا عمّي انا حاليا مشرف منتدى الأغاني في موقع “كراكيب دوت

كوم” وقريباً رح أمسك إشراف منتدى المسلسلات التركية في موقع

“سلامتك من الهسهس دوت نت”.

أبو سارة: مشرف كيف يعني؟
سمير: يعني انا بضيف مواضيع وبحط أغاني وبعمل اشتراكات بأسماء وهمية
عشان أحرّك المنتدى وهيك يعني.
أبو سارة: والله منا فاهم شي.. يعني كم بدفعولك بالشهر في هاد الشغل؟
سمير: لا يا عمّي أنا اللي بدفع لصاحب المنتدى عشان أصير مشرف..

بس قريباً رح أفتتح المنتدى الخاص بتاعي.

أبو سارة: ومنتداك الخاص وين راح يكون مكتبه؟
سمير: حالياً من البيت ولما الله يفتحها علينا بستأجرله مكتب.
أبو سارة: وهاد المنتدى شو راح تستفيد منّو؟
سمير: كيف شو أستفيد منّو..؟!.. انا رح أفتح المنتدى وأحط فيه
برامج ومسلسلات وألعاب والأعضاء راح يشتركوا فيه ويصير منتدى
مشهور جداً.
أبو سارة: يعني العضو كم بدفع اشتراك؟
سمير: لا يا عمّي.. العضو ما بدفع اشتراك.. أنا بدفعله عشان يشترك.


أبو سارة: لا حول ولا قوة إلا بالله.. يعني مصدر رزقك من وين يا ولد؟


سمير: لمّا يكبر المنتدى وأنشره على فيس بوك راح تيجيني إعلانات

بالهبل.


أبو سارة: والله منا فاهم شي.. طيب انتا محوّش كم؟


سمير: أنا يا عمّي وما بدي أخبّي عليك، عندي حاليا 99 دولار في Google Adsense
ووعدوني يبعتولي الشيك بعد شهرين ورح يكون وضعي المادي ممتاز،

حتى اذا بدك بجيبلك براءة ذمة من Paypal.


أبو سارة: الله يقضّي هالليلة على خير بس.. طيب انتا من وين بتعرف

سارة بنتي؟


سمير: تعرفت على سوسو بالـ Facebook، وكنا نبعت مسجات

ونعمل لبعض poke أحيانا..

أبو سارة: ويعني معرفة النت بتكفي انك تيجي تخطبها؟


سمير: آآآه يا عمّي.. ما انتا مش عارف.. انا جبت 80% في الـ quiz تاع سوسو.

أبو سارة: شو هاد الـ كويز؟


سمير: معقول يا عمي ما بتعرف كويز Do you know me?

على Facebook؟

أبو سارة: لا بعرفوش.. وبعدين مين هاي سوسو؟


سمير: يا الله يا عمي.. معقول كمان ما بتعرف انو سارة اسمها سوسو على Facebook؟

أبو سارة: لا بعرفش انو سارة اسمها زفت.

سمير (بكل بُرود): انتا زعلت يا عمي؟
أبو سارة (بعصبية): بتعرف اذا ضليت قدامي كمان 10 ثواني شو بعمل
فيك؟
سمير (بإبتسامة غبية): أكيد بدك تضيفني علىfacebook
وتكتبلي على الـ wall تاعي، صح؟
أبو سارة: براااااااااااااااا

[أميرة قوس النصر]

وااااااااااااااااااااااااااااااااااااااااااااااااا اال لو قدامي هاد زمان زمان زمان
قلعت عيونه وعملتهم مسبحة ما اغباه

[تحية عسكريه]

هههههههههههههههه غبي شخص متخلف هذا الشب مش معقول بس

[هدوء عاصف]

[align=center]
ههههههههههه حلوة ، اعصاب باردة على هبل


بس على فكرة ... عندي احساس انو بعد كم سنه رح تصير هالأمور بتشبه هاي الحالة ولو على المدى البعيد !!

مشكورة
[/align]

[شذى البنفسج]

شكرا الك ..

[بياض الثلج]

هبل من الآخر

يسلموا دليلة

[anoucha]

هههههههههههههه وكنت محل ابوها كنت انتحرت

[دليلة]

شكــــرا لمروركمــ جميــعا

[تاج النساء]

يعني الله يعين ابوها ويروح بس انا فكرته رح يعمل ريموف للشب من عند سوسو

[شمعة امل]

ههههههههههههههه
ميرسي دليله