كيف مات ابوك ياااا؟؟؟؟؟؟

[حسناء الربيع]

الأول: كيفك يا زلمة وكيفو ابوك انشالله تحسن صارلي سنين ما شفتك

التاني: انا ماشي حالي الحمد لله بس الوالد عطاك عمرو

الأول: العمر إلك بعرف كان عندو القلب يالله الله يرحمو

التاني: بس والله ما مات من القلب

الأول: كيف توفى؟

التاني: الله يرحمو بآخر فترة ضعف نظرو كتير مرة طلع عالبلكون ما شاف الحفة وقع وبتعرف بيتنا تالت طابق

الأول: له له على هالموتة، بكل الأحوال الله يرحمو

التاني: والله تعذبنا فيه كتير وعملنالو شي 12 عملية لتحسن

الأول: لكان كيف توفى؟

التاني: صار يحمل عكازة ومرة عم يقطع الطريق سيارة مسرعة خبطتو

الأول: يه يه الله يرحمو

التاني: ربك رحيم كان فيه جار إلنا حطو بالسيارة ولحقو عالمستشفى بس النزيف الداخلي كان رهيب

الأول: الله يرحمو بكل الأحوال

التاني: بس سفرناه على اسبانيا وضلينا شي 6 أشهر عم نعالج فيه والحمد لله تحسن

الأول: طيب كيف مات؟

التاني: صار معو فشل كلوي حاد وصرنا ندور على متبرع كلية وتأخرنا وصار معو تسمم

الأول: الله يرحمو ارتاح

التاني: بالصدفة إجا شخص بيعرفو من زمان تبرعلو بالكلوة بآآآآآآآآخر نفس

الأول: لكان كيف مات؟

التاني: والله مرة بالبيت وهو قاعد ما انتبه عالغاز احترقت الشقة وهو لحالو فيها

الأول: يالطيف على هالموتة ما أبشعها الله يرحمو

التاني: بس والله جارنا الله يجزي الخير كسر باب البيت ولحقو بآآآآآآآخر لحظة

الأول: لك فهمنا كيف مات

التاني: والله اضطرينا نقتلة

[The Gentle Man]

ههههههههههههههههههههههههه
الله يرحمه وحسن اليه
ويحسن مثواه
ويسامح اولاده الي قتلو ابوهم

[العالي عالي]

الله يرحمه وحسن اليه

[صديقه بنت الشديفات]

احسن شي ما هو جننهم لو شوي يموتهم وما بموت