"اجبار الفتاة على الزواج بمن تكره"

[طوق الياسمين]

وعلى رأي المثل الريحة ولا العدم >>>

اتمنى الرد بأراء جدية
ما هي رؤيتكم لـ الموضوع...

[العقيق الاحمر]

[align=center]انا لا أؤيد اجبار الفتاة على الزواج بمن تكره
لان كل اشي ممكن يجي بالغصب إلا الزواج
لانها راح تكون عشرة عمر ولازم تكون مبنية على اساس صحيح
واول هالاساس الرضا عن الزواج...والحكي اني الحب بيجي بعد الزواج برأي ما إله أي صحة
وكمان شرعا حرام

هاد رأيي وبتمنى يكون عجبكم[/align]

[طوق الياسمين]

بتشكرك عـ رأيك وانا بأيد هـ الشي وبستنى ردود الاعضاء نورتِ

[العقيق الاحمر]

بتشكرك عـ رأيك وانا بأيد هـ الشي وبستنى ردود الاعضاء نورتِ

شكرا حبيبتي

[الورده الجوريه]

الايام هاي نادر لما البنت تنجبر
بس في عائلات الي الان بصير هدا الكلام عندهم
انا بحكي الدنيا اتغيرت لازم ننشر الوعي بشان هاي الامور حرام الوحده تعيش مع واحد ما بدها ياه
وكمان البنت لازم يكون لها شخصيه عند اهلها وما تسكت على الظلم

شكرا كتير

[طوق الياسمين]

معك حق لازم ننشر هـ الشي

[الوسادة]

[align=center]يا حبايبي آخريتها تحبه و ما تستغني عنه الحب بييجي بعد الزواج


جيل مدلع هههههههههه

يسلمو ام غمازة

[/align]

[طوق الياسمين]

والله فيها وجهة نظر هدولة

[هدوء عاصف]

[align=center]شكرا ع الموضوع الهام "زمردة" ..

هن حالتين بفرضهن الموضوع : إما انو الفتاة ما بدها تتزوج لإنها ما بدها تتزوج ، او ما بدها تتزوج لإنها بتحب واحد تاني ..

أما الفتاة اللي ما بدها تتزوج لإنها ما بدها تتزوج فما أظن رأيها منطقي ومين يعني من البنات ما بدها تتزوج؟ حتى لو كان عليها دراسة وحتى لو شو ما كان الزواج مش عائق ، يعني انا كتير بشوف اهالي برفضوا عرسان لبنتهم بحجة انو عليها دراسة ، يا جماعة هاد الشي غلط X غلط ، يعني اللي بتتجوز ما بتدرس؟ طيب وشو فيها لو كملت دراسة بعد الزواج؟ ما بصير وبكل بساطه البنت تقول للشب المتقدملها انا موافقة بس بشرط اني اكمل دراستي ، وان وافق هلا وان ما وافق مع السلامة!
كتير بنات تأخّروا بالزواج وراحت عليهم .. برأيي سن الزواج اللي دارج هالأيام للبنات بين 18 - 20 ، الوحدة لما يزيد عمرها عن هيك بصير الشب يفكر لو كانت اصغر شوي ، فما بالك ببنت قال بدها تدرس وتكوّن حالها طيب هاي كم سنة بدها تا تكون حالها؟ كمان مين اللي لازم يكوّن حاله الشب ولا البنت؟!
نصحتي لكل البنات اللي بجيها شب حتى لو كانت توجيهي او اصغر بسنة حتى ما ترفض وتوافق ووحدة من تنتين يا بتخطب لحتى تخلص توجهي وبعدها هي حرة يا بتكمل بعد الجيزة يا لأ ، يا بتتزوج وبتكمل كل الدراسة اللي ضلت عليها بعد الزواج وعادي ما فيها اشي .. ولا بعدين تصير تندب بحظها .. البنت مش متل الشب ، البنت بتتزوج بأي وقت أما الشب وخصوصي بهالأيام بده ليصير فوق الـ 27 لحتى يقدر يأمن مستقبله واصلا وبهاي الحالة العمرية السن كتير متوافق وبعيشوا حياتهم مبسوطين .. صدقوني بحكي هيك عن تجربة وعن مشاهداتي لأكثر من حالة مشابهة ..

اما الحالة التانية انها بتحب واحد تاني ، فشغلة من شغلتين ، يا بتقول لحبيبها "انتي بتحبني صح؟ ما دامك هيك تعا واخطبني واثبت حبك الي" يا بتقله "مع السلامة" ، انا مش بفسد بين اللي بحبوا ، بس يعني حبوا بواقعية ، مثلا ممكن بنت تحب زميلها بالجامعة ، وهن التنين اعمارهم 20 ، طيب هو لحتى يزبط اموره ويتخرج ويلاقي شغل ويأمن مصاريف الجيزة بده 8 سنين اقل شي او قولوا 6 ما بدي ازيدها ، طيب وقتها هي بكون عمرها 26 ، يعني حب 6 سنين وبالأخير الشب بشوفها كبيرة وبروح يتجوز وحدة بنت 17 ، وهي بتفني حياتها بإيدها وبتصير تقول الشباب مخادعين ، ليش ما تستنى قدرها ووقتها احنسلها واريح لراسها؟ هيك بتحبوا قدام كل الناس مش بالسر ولما يكونوا خاطبين ومعلش بهالكلمة "بتقعد مع خطبها وبتبوسه" قدام اهلها وبالحلال ومش بالخفية وبأماكن الله اعلم وينها ، والله بحكي من الواقع يا جماعه اعذروني بس الموضوع هيك ، فكروا شوي يا ناس مهي برضو العادات والتقاليد بتصون الولاد من الوقوع في الحرام ، يعني صار الإنفتاح انو الشب يجربله كم بنت لحتى يختار المناسبة اله؟ طيب مهو هاد اذا رضي فيها بالآخر وبقولك هاي باعت حالها كيف بدي ارضى فيها ، وغير مشاكل الحب وتبعاته ، احلى واجمل حب بالعالم هو الحب بعد الخطبة .. قصص الحب الحقيقية هي اللي بتصير بين الخاطبين مش بين الشب وزميلته ، هيك كل واحد بصون حاله وبضل كبير بنظر الطرف الآخر ..

مجرد نصيحة من تجربة شخصية قابلة للنقاش ايضا .. [/align]

[احمد امين]

والله من رأي انه ما ضل حدا يجبر على الزواج الا القليل وكمان الزواج ستره للبنت ........