ܔܔ قانون برنامج ܔ كيف تقضــــــــــــي نهارك ܔܔ

[الوردة الاردنية]

مسائكم شهد وعسل
سكره زيادة
ليملأ ويطغي
على
مسائنا بعطر الياسمين
ها اتيت لكم بفكرة
لأضعها بين ايديكم هنا
ببرنامج
وسأعرضه هنا بينكم
لأول مرة
البرنامج
هو :
كيف تقضـي نهارك

لأضعه بين ايديكم
بهذا المكان الراقي
بمنتدى الحصن
البرنامج
عبارة عن
اني استضيف
عضو \ ة
لعدة ايام سيبقى معنا
ليخبرنا
كيف يقضي نهاره
وها هو
قانون برنامج
كيف تقضي نهارك




* قبل أن اعلن من هو ضيفي للقاء
علي أن ابعت الدعوة لمن إخترته ولا اعلن عنه
إلا بعد موافقته
* وعلى الضيف صاحب اللقاء
أن يتأكد من قراره إن كان بالموافقه وإن كان بالرفض
دون أن يتراجع بأخر لحظة
وأرجو من الجميع إحترام هذا القرار ولنتقيد به


* أن يكون مرور الأعضااااااااااء ء للضيف كتشجيع له
لنعطه دفعات إستمراريه
* وأن تكون اسئلة الأعضاء ليست خارج نطاق الموضوع
أي تكون اسئلتكم له فيما يخص فقط نهاره
دون التطرق لأسئله ليس لها مكان وحرج
ارجوا منكم التفاعل
لأنه كما هو معروف أن يد واحدة لا تصفق
ونحن هنا علينا التعاون معاً لنصل للنجاح الذي نحلم به
لنسير بطريق النجاح والرقي
لأنفسنا
من خلال القلم
والمكان
ومن خلال حضورنا الدائم
لنصل للنجاح
الذي نطمح له
من خلال


اقلامنا


وحضورنا


وتعاوننا معاً
وأنا متاكدة أننا سنصل للنجاح ألذي نطمح له

[الوردة الاردنية]

احبائي الاعضاء مثل ما حكيت الاسئلة رح تكون عامة وليست خاصة فيها احراج للعضو الضيف
ارجو منكم التفاعل وعدم الكسل

[الوردة الاردنية]

ضيفة البرنامج هي
دموع الغصون
وارجو من جميع الاعضاء ان تكون الاسئلة عامة في نطاق الموضوع

[دموع الغصون]

ضيفة البرنامج هي
دموع الغصون
وارجو من جميع الاعضاء ان تكون الاسئلة عامة في نطاق الموضوع

مشكورة الوردة على الاستضافة بتمنى المتعه للجميع

انا جاهزه لاسئلتكوا

[هدوء عاصف]

100 مرحبا بدموع ... والف شكراً للوردة الأردنية على الموضوع الجميل

- دموع بتهيألي انو الناس اللي بكونوا مثقفين وبكتبوا وبسمعوا لكاظم انهم بحبوا السهر وبحبوا يبقوا لحالهم وما بناموا كتير بمعنى آخر مش كسولين وبستغلوا كل ساعة بشيء مفيد ... انتي هيك؟؟؟؟

- اي ساعة بتصحي بأيام الدوام وبأيام العطلة؟ واي ساعة بتنامي طيلة ايام الأسبوع؟

- بس تروحي من جامعتك شو اول شي بتعمليه؟ وشو اكتر وقت من النهار بناسبك للدراسة؟

- بتحبي المطر؟ ومتى بتحبيه اكتر بالليل ولا بالنهار؟ وهل المطر بعطيكِ حافز لإشي معين؟ وشو هو هالإشي؟

- شو اكتر وقت باليوم بتلاقيه مميز لدخولك المنتدى؟ وشو الوقت اللي بتنبسطي فيه بالمنتدى ليلاً ام نهارا؟

- بالنسبة لشغل البيت شو اكتر الاشغال اليومية اللي بتشتغليها وبتحسي انو ما حدا بعملها متل ما انتي بتعمليها؟

- متى عادة بكون وقت العائلة عندكم؟ اذا فيه وقت محدد اذكريه ...

الله يخليلك بابا وماما يا دموع ويسلملك كل اهلك ومحبينك ... متابع انا معكم ورح ارجه بأسئلة جديدة لاحقاً .. اذا الله راد

[دموع الغصون]

مرحبا بدموع ... والف شكراً للوردة الأردنية على الموضوع الجميل
يامرحتبن ومليون مرحبا.. مساء الورد لحضرتك " ابو تميم "

- دموع بتهيألي انو الناس اللي بكونوا مثقفين وبكتبوا وبسمعوا لكاظم انهم بحبوا السهر وبحبوا يبقوا لحالهم وما بناموا كتير بمعنى آخر مش كسولين وبستغلوا كل ساعة بشيء مفيد ... انتي هيك؟؟؟؟
آها انا هيك بكره النوم بحب الحركه بس مو دائما بستغل وقتي بشي مفيد مرات بكون ساعات تأمل و خمول

- اي ساعة بتصحي بأيام الدوام وبأيام العطلة؟ واي ساعة بتنامي طيلة ايام الأسبوع؟
ايام الداوم بصحى على 7.30 أول محاضره عندي ع 9
ايام العطل بصحى على 9 حسب المزاج
كتير ايام بتسحب ما بنام فيها لتاني يوم وبطلع الصبح بمشي ساعه او ساعتين كمان حسب المزاج
اي ساعه بنام طيلة ايام الاسبوع مو قبل 3 تقريباً بعد ما صلي الفجر بكفيني من ساعتين لاربع ساعات نوم

- بس تروحي من جامعتك شو اول شي بتعمليه؟ وشو اكتر وقت من النهار بناسبك للدراسة؟
اول ما بعمله بس روح من الجامعه بقعد مع ماما ليجو الباقي هي بتكون بتطبخ وانا بحكي بحكي بحكي .... بشيك على النت شوي و بطلع لغرفتي برتاح ساعه لاتغدى وبعدها دراسه .. المغرب طلعه او مع اهلي بعدين دراسه وقبل لنام نت وبتمد نت حسب المزاج وممكن ارجع ادرس ازا مليت من النت – اكتر وقت من العصر للمساء بحس مخي مفتح منيح -

- بتحبي المطر؟ ومتى بتحبيه اكتر بالليل ولا بالنهار؟ وهل المطر بعطيكِ حافز لإشي معين؟ وشو هو هالإشي؟
عشق جنون المطر بحبه بالليل اكتر .. المطر هو جنون الأفكار هو الجانب المخفي فينا من حب من غرام من عفويه من طفولة من براءة من ذكريات من تأمل للمستقبل لواقعية الحاضر

- شو اكتر وقت باليوم بتلاقيه مميز لدخولك المنتدى؟ وشو الوقت اللي بتنبسطي فيه بالمنتدى ليلاً ام نهارا؟
بحب ادخل المنتدى بنهار ازا كنت مروقه بحسه هادي و شغل انا مشيه على مزاجي لكن هالفتره كتير صعب كون مروقه بنهار .. الليل انسب لالي ولوقتي من ناحية المنتدى مافي فرق ليل أو نهار باخر فتره نايم على الحالتين .. لكن بالفترة الماضيه كان المنتدى بليل افضل في روح بتنفرد بجمالية ووحدة الليل

- بالنسبة لشغل البيت شو اكتر الاشغال اليومية اللي بتشتغليها وبتحسي انو ما حدا بعملها متل ما انتي بتعمليها؟
هاد السؤال محرج لانه رح ينكشف السر لماما هو شي سري بيني وبين اخواني انا بجمع الجلي وبقايا اثاث المطبخ يلي بضل بغرفهم وهمه بحسبو حسابي بالطبخ والقهوه والاشياء يلي بعملوها بالليل بهيك بكون في مقايضه شريفه طالما انا وحيده على شباب فاكيد الجلي يلي بجي زياره باخر الليل والطبخات يلي بتطلع على بالهم بعد 12 فاكيد لازم اخفي اثار الجريمه قبل لتكشتفهم ماما وروح ومعهم بالهوا سوا

- متى عادة بكون وقت العائلة عندكم؟ اذا فيه وقت محدد اذكريه ..
الصبح وقت الطلعه الكل بكون مجتمع بتكون اجواء جد حلوه بيعطو نشاط و ممكن وقت المسا بعد المغرب لكن مو دائما حسب اوقات الباقي

الله يخليلك بابا وماما يا دموع ويسلملك كل اهلك ومحبينك ... متابع انا معكم ورح ارجه بأسئلة جديدة لاحقاً .. اذا الله راد
الله يخليك هدوء ويخليلك اهلك
انبسطت كتير باسئلتك و بتواجدك
عم بنتظر عودتك ولو ما رجعت عارف شو عقابك

[دموع الغصون]

عم ننتظر الضيف التاني وبتمنى من صاحبة الموضوع تابعه اكثر

[دموع الغصون]

بتنزلوا مواضيع وما بتابعوها اعدامكوا حلاااااال
F5

[حبيبتي والمطر]

ههههههههه فرصة تبدي بتنفيذ الحكم

[دموع الغصون]

مممم فعلا مطر
رح نرمي الوردة الأردنية بالرصاص
اتمني آخر امنيه
وذلك لأنها بتنزل مواضيع و بتهملها
الهدف مو كثرة المواضيع الهدف نوعيتها و هدفها و تفاعلها ومقدار ايجابيتها

انتحر انا متلا لترضو