نسبة ذكائك كم؟؟؟ ادخل وشوف

[العالي عالي]

السلام عليكم ورحمة الله وبركاته



أنت في غرفة مقفلة بإحكام



وعليك ان تجد 13 عنصر موجود بالغرفة



حتى تنفتح لك الغرفة وتخرج منها



إن وجدت من 0-6 عناصر



فنسبة ذكائك بكل أسف منخفضة جدا جدا



و إن وجدت من 6-8 عناصر



نسبة ذكائك منخفضة و لكن ليس إلى درجة الغباء و الحمدلله



أما إن وجدت من 9-10 عناصر



نسبة ذكاء إنسان طبيعي



و إن وجدت 11-12 عنصر



أنت تتمتع بنسبة ذكاء عالية و فوق المعدل الطبيعي



و إن تمكنت من إيجاد كل الأشياء



فستكون أحد الـ 4000 شخص ممن تمكنوا من إيجادها



و الخروج من الغرفة بنجاح



غايتو اللعبة ساااااااااهلة وانا جبتها من اول مرة.. يعني نسبة الناس الحلوها بقت 4001



اها كدي النعرفكم حتحلوها ولا لا ودا الرابط موجود تحت



http://flash.abunawaf.com/2005/09/room.swf







يلي عن جد نشوف مين الذكي

إلى ما عرف وبدو الحل انا مستعد احكيلو
اخوكم
العالي عالي

[incredibleimagination]

مرحبا يا عالي. يعني ضروري تورطنا بهاللعبة
صارلي نص ساعة بدي اتعشى بس بستنى لألقى كل القطع
لقيت عشر قطع وانا بستسلم يا اخي.بس ممكن تحكيلي وين ممكن القى الباقي
بالمناسبة.الصندوق الاحمر شو قصته وكيف بفتح,البطارية ليش حاطينها.في مفتاح زيادة بس اكيد انه مش زيادة واله شغله؟؟؟؟؟
يلا يا مان مش عارف انام ممكن تحكيلي عن ال3 قطع اللي ضلو.اتوقع انه الحل بالصندوق الاحمر بس مش عارف افتحه
سلامممممممممممممم

[العالي عالي]

مشكور أول حب على المحاولة
وثانياً راح احكيلك الحل بس خلينا نشوف يمكنفي عضو تاني بقدر يحل
ان اله مع الصابرين

[incredibleimagination]

ماشي يا سيدي .ما بدك تحكيلي عكيفك.
عكل حال انا صرت لاقي 12 قطعة وفتحت الصندوق كمان وضل علي قطعة وحدة
وانشا الله الله بهديني وبلاقيها وما بدي مساعدتك
اوكي مان بس المشكلة انه مش عارف القطعة اللي ضلت ايش هي؟
عالعموم انتضر مني رد انه لقيت كل القطع وفتحت الباب.
بالمناسبة لما القى القطعة الاخيرة ,الباب بيفتح؟؟؟
سلام

[ساره]

يسلمو لقيت 4 قطع بس ..ولقيت كمان خمسه وصارو 9

مبسوطه عحالي..يسلمو كثير ..بنستنى مكان بقيه القطع

[incredibleimagination]

واخيراااااااااااااااا حليتها يا عالييييييييي
وين العالي ..نادولي العالي .احكوله انه انا حليتها..
صارو 4002 شخص يا مان
طبعا لما فتحت الباب لقيت غرفة ثانية..فطفيت الكمبيوتر .ههههههههههه

دخيلك يا مان لا تحطلنا العاب مثل هيك لانه بصراحة رفعت ضغطي
بس الله هداني ولقيت القطعة رقم 13

[N_tarawneh]

في الحقيقة أخي العالي اللعبة كثير ممتعة وبحاجة للكثير من التركيز والإنتباه وبصراحة أخذت من وقتي كثيرا ً حوالي ساعة ونصف ...
ولكن في النهاية توصلت إلى الحل ...

كان هناك ( 12) عنصر أما العنصر الثالث عشر كان من أعقد العناصر من حيث طريقة البحث عنه ...

وإليك الحل كالتالي :-
1- (خاتم) في الإناء (الصحن) الموجود على الطاولة الصفراء .
2- شريط كاسيت موجود تحت الخزانة الصفراء .
3- ورقة ملاحظات في الدرج االأول من الخزانة .
4- قرص سي دي في الدرج الثاني الخزانة .
5- مفتاح فوق شرفة النافذة بعد إزاحة الستائر لمرة واحده .
6- خاتم موجود اسفل النافذة نستطيع الحصول عليه بعد فتح وإغلاق الستائر لثلاث مرات .
7- مفتاح أسفل الوسادة التي فوق السرير .
8- تكرار الضغط على الماوس لاكثر من مرة بجانب الوسادة للحصول على البن الخاص بفتح الخزنة الصغيرة .
9- بطارية صغيرة بجانب السرير من الأسفل .
10-بواسطة أحد المفاتيح نقوم بفتح أحد الإدراج المغلقة للحصول على موصل جهاز تشغيل السي دي الكهربائي (الكيبل).
11- بواسطة أحد المفاتيح نقوم بفتح أحد الإدراج المغلقة للحصول على الخزنة الصغيرة الحمراء .
12- بواسطة (كيبل) الكهرباء الخاص بتشغيل السي دي نستطيع الحصول على مفتاح الباب من المكان المخصص لتشغيل السي دي (بس المشكلة إنه المفتاح مش لغايات فتح الباب ... )

هيك بصيروا 12 ...

والان نذهب لفتح الخزنة الصغيرة الحمراء :- من خلال وضع البن الأبيض + خواتم عدد 2 وبعد أن نقوم بفتح الحزنة الصغيرة نضع بداخلها البطارية الزرقاء + شريط الكاسيت ، وبالتالي سيظهر لنا عداد تنازلي وبعد الإنتهاء من العد التنازلي من 3 - 1 نشاهد شخص يقوم ببعض الحركات الراقصة حوالي 20 ثانية وفي النهاية سيقوم الشخص بالإشارة إلى نجمة رباعية تظهر لثلاث مرات بشكل سريع وبعد مشاهدة حائط الغرفة الأحمر نقوم بالضغط بالماوس لثلاث مرات فقط وبعدها سنشاهد مربع محدد يدل على وجود الخزنة السرية نضغط بالماوس وبعدها ستفتح أمامنا الخزنة والتي تطلب بدورها إدخال رقم سري لفتحها والحصول على العنصر الذي بوساطته نستطيع فتح الباب بعد إدخال الرقم السري المكون من اربع خانات (****) للحصول على العنصر الذي بواسطته نستطيع فتح الباب عن طريق الخلع وليس المفتاح والعنصر عبارة عن مفك نقوم بوضعه أسفل الباب ومن ثم نضعة مرة ً اخرى بجانب المكان المخصص لمفتاح الباب لنقوم بالتالي بكسرة للخروج من الغرفة وإنتهاء اللعبة كما في الصورة المرفقة ...



اما بالنسبة للرقم السري ولغايات التفكير باللعبة أكثر لن أقوم بطرحة ...

[incredibleimagination]

يا جماعة صاحبنا نادر حكالكو الحل بس بخل علينا بالرقم السري
ولأني عانيت كثر للقيت الرقم رح احكيلكو اياه بس لا تزعل يا نادر بس ما بدنا نغلب الشباب اكثر من هيك . بس بشرط تدفعولي كاش موني
وبستنى منكو الحوالات .الرقم 1994بتدخلوه وبتستعملو المفتاح لفتح الخزنة وبتلقو القطعة رقم 13

[zooz]

طبعا اللعبة رهيبيييييييييييييييييييييبة
بس حلو انو في مساعدة ههههههههههه

[العالي عالي]

ليش تحكو الحل

خلينا نشوف باقي الاعضاء