قصيدة عن بنات السعودية ؟؟

--------------------------------------------------------------------------------

إن بغيت الطيب فيهـا طيـب مـا مثلـه مثيـل ...
وإن بغيت الحسن ربي صاغها بـأروع جمـال ...

وإن بغيت الجود فيها الجود من عـرقٍ أصيـل
هذي ( بنت السعودية ) بنـتٍ تضاهـا بالرجـال

ما تعرف اليأس أو قولة ( بعيد ) أو ( مستحيل )
ما تلاقـي عندهـا تعريـف للكلمـه ( محـال )

الصبوره .. القنوعه .. ترضى بالشـي القليـل
لوما أخشى من الملامـه كنـت ألبسهـا عقـال

الرقيقـه .. الحنونـه .. راعيـة بـالٍ طويـل
الكريمه .. العظيمـه .. مـا تقصّـر بالوصـال

بنت أبوها تخدمـه بعيونهـا لـو هـو عليـل
وأمها تفخر بهـا وتدعـي لهـا بولـد الحـلال

أي وربـي لبنت السعودية انـا مارضـى بـديـل
يا بعدهم يالرطب ياللـي كسـر سـوق الخـلال

يالجميله .. يالأصيله .. جيت لك مثـل الذليـل
يطلـب القـرب بوصالـك جننـه زود الـدلال

يالحشيمه .. يالرحيمـه .. يـا وفيـه بالخليـل
زان طبعك من جـدودك ثـم عمامـك والخـوال

من يلوم اللي غدى مـن نظـره بعينـك قتيـل
لو يحـاول أو يقـاوم ؟! مالـه بموتـه مجـال

إن حضرتي تشعلين الحفـل بالخصـر النحيـل
تبهريـن الحفـل وانتـي تصبحيـن الإحتفـال

من يشوفك غصب عنـه قلبـه المغـرم يميـل
مو بكيفه وين ما رحتـي معـاك القلـب مـال

إنتي نهرٍ مـا يجـف مـن العطـا يالسلسبيـل
وإنتي في دينا الهوى وطبع الوفـا أروع مثـال

إنتي أختي وإنتي أمـي وكـل إحسـاسٍ جميـل
وإنتي العشق الحقيقـي وزوجتـي وأم العيـال

لو ألـف الكـون كلـه مـا ألاقـي لـك قبيـل
إنتي وحدك .. لا يهمك من حكـى فيكـم وقـال

إنتي مثل النجمه اللـي تضـوي الليـل الكحيـل
وإن يطال سهيل فانتي النجمه اللي ما تطـال

_____________________________________________

بنات السعودية

بنت الريــــــــاض*****فيها الجمال وفيها البياض

بنت القصيم مثل النسيم***** فيها الدلع شي عظيــم

بنت الخــبر مثل الزهر ***** يا محلا بسمة هالثغـــر

بنت الجبيل ضبي اصيـل***** عيونها تشفي العليـــل

بنت الحسا نجمة مسـا***** من شافها اسمه نسـا

بنت الهفوف احلى الطيوف****من عقبها ما اقوى اشوف

بنت الحــزام ريح الخزام***** تطلق من العين السهام

بنت ابهــا حلوة نبها***** من شافها غصب حبهـا

بنت حايل غصن مايل ***** جامعه لكل الخصايــل

بنت مكه حب وبركه **** نعومه وجمال وخفة حركه

بنت الظهران عشق ولهان***** لاهي بأنسيه ولا جان

بنت الحفر سن وخصـر***** والشعر متعه للنظـــر

بنت العيون خضر المزون****سنونها عقد مكنــــــون

بنت جـــده رقــه وحده ***** اذا ناظرت الشامخ تهده

بنت المدينه خفيفة الطينه****حبوبه وحلوه حنونه وزينه

بنت الطائف ..يالطيف **** حلى وجمال وقدٍ رهيف

بنت الدمام والله تمام **** خفه ودلع ومشية حمام