رح اشتاق الكم

[أميرة قوس النصر]

صحيح انه كثير استنيت هاليوم يجي اللي رح ابلش فيه كل اشي جديد
، بس رح اشتاق للبلد هاي مش متصورة انه رح اصير كل يوم ما اركب باص اربد جرش حتى اروح ع الحصن المكان اللي تعرفت فيه على اغلى ناس والله
ما رح اقعد ع الكرسي الاخضر اللي عند المشاغل حتى لو لحالي .
رح اشتاق لجرش ولكل اشي فيها رح اشتاق للبنات كلهن صحباتي
بجوز الشي اللي رح يظل ثابت هو هاد المكان لانه بايدي اظل فيه
ببداية نص هاد الشهر ما رح اكون هون رح اسافر ع فلسطين ورح اعمل عرسي ب 25 \7 وبعدها اسافر ع دبي كل هاي التنقلات واستعدادتها بجوز تمنعني انه اللاقي كلمات ادوع فيها كل اشي بحبه هون وكل اشي ربطني بهاي البلد ما بقدر انساه .
حسان شفته وودعته يوم المناقشة وشفت كل اللي لازم اطمن انهم بخير الحمد لله كانو بجننو منورين وفرحانين
بغض النظر رح اكون جنبهم ولا لاء همه بخير وهاد المهم ..


الله يوفكم كلكم يارب

[rand yanal]

والله يا مهااا ,, كل شي حلو وكل شي بجنن,,لكن والله بجوز أنا أكتر وحده رح تفقدك كتييييييييييييييير ,, خصوصا انه كنت دايما اشتاقلك وارن عليكي وترني علي دايما ونلتقي ونقعد بالساعات..أيام مرت متل الحلم,,أحسن شي صار من بعد ما تعرفت على محمد انه عرفني عليكي وعلى البنات بس انتي بالذات بتعرفي غلاتك عندي مزبوط عن دون الكل بتمنالك التوفيق بحياتك وإنشالله إحنا دايما على تواصل وما رح ننقطع ابدا ..
(الله يحميك يارب)

[Sc®ipt]

الله يوفقك يا مها بحياتك و ان شاء الله بتكون فاتحة خير عليكي
انبسطي بحياتك و افرحي و استغلي كل لحظة و خليها حلوة و استمتعي فيها
و عقبال ما نشوف ولادك و تجيبيهم زيارة على المنتدى و يقولو هاد خالو زيد ههههه
الله يكون معك بالتوفيق

[شذى البنفسج]

الله يوفقك مها وريتو الف الف مبارك
جد ايام الدراسة بالحصن حلوة .. الغربة صعبة رح تشتاقي لكل شي .. استغلي وفتك كل لحضة قبل ما تسافري وخليكي مع اهلك ..
الله يوفقك

[العقيق الاحمر]

موفقة يا رب اميرة قوس النصر
بتمنالك حياة حلوة وين ما كنتِ..بالاردن ,فلسطين أو حتى بالامارات.....
ولك مني أحر التهاني سلفاً

على فكرة يوم زواجك بصادف يوم ذكرى ميلادي

[هدوء عاصف]

صباح الخير ..

مها بعد يوم زواجك رح تتغيّر حياتك ، رح تتغيّر بحيث ما يكون فيه مقارنة بين قبل وبعد ، حياة جديدة ونظام جديد حتى كلامك بتغير وكلام الناس معك بتغيّر ورح تحسي بنفسك لما تتغيّري ويمكن تبكي او تضحكي على حالك او تستغربي او او او لما تتذكري حياتك قبل زواجك ، يعني بتصيري متل الطفل البعدو صغير ، وعم يتحدد اسلوب حياته ، مشان هيك ، بلشي حياتك بنسيان كل الماضي بشرّه وتعبه واحواله ، بلشي حياة جديدة ، اضحكي ، فرفشي ، حاولي انتي وزوجك ما تنهموا ولو للحظة وحدة ، ساعدي زوجك على إسعادك ، ساعدي زوجك على انه يحبك بجنون ، ساعديه انه حبه لإلك يكبر يوم عن يوم ، وقتها ما رح يكون لمفهوم الغربة معنى ، رح يكون المفهوم المحرّك لحياتك هو "الحب"! ، مش مهم تساعديه بالشغل ، ولا بأي أمر تاني ، دائما وأبداً أهم شيء واللي لو تقدر كل النساء على تطبيقه بحياتهن ليعيشن بسعاده ما بعدها سعادة ، وهو مساعدة ازواجهن على حبهنّ ..
مها انتي بنت حلال وبتستاهلي كل خير .. رح نفتقدك كم يوم لكن انا متيقن انك ما رح تقدري تغيبي عنا كتير ، لا تغيبي عنا وجودك بيننا لا غِنى عنه ، ديري بالك على حالك ، وألف ألف مبروك وبالرفاه والبنين ..

[ghazi qasaimeh]

صباح الخير ..

مها بعد يوم زواجك رح تتغيّر حياتك ، رح تتغيّر بحيث ما يكون فيه مقارنة بين قبل وبعد ، حياة جديدة ونظام جديد حتى كلامك بتغير وكلام الناس معك بتغيّر ورح تحسي بنفسك لما تتغيّري ويمكن تبكي او تضحكي على حالك او تستغربي او او او لما تتذكري حياتك قبل زواجك ، يعني بتصيري متل الطفل البعدو صغير ، وعم يتحدد اسلوب حياته ، مشان هيك ، بلشي حياتك بنسيان كل الماضي بشرّه وتعبه واحواله ، بلشي حياة جديدة ، اضحكي ، فرفشي ، حاولي انتي وزوجك ما تنهموا ولو للحظة وحدة ، ساعدي زوجك على إسعادك ، ساعدي زوجك على انه يحبك بجنون ، ساعديه انه حبه لإلك يكبر يوم عن يوم ، وقتها ما رح يكون لمفهوم الغربة معنى ، رح يكون المفهوم المحرّك لحياتك هو "الحب"! ، مش مهم تساعديه بالشغل ، ولا بأي أمر تاني ، دائما وأبداً أهم شيء واللي لو تقدر كل النساء على تطبيقه بحياتهن ليعيشن بسعاده ما بعدها سعادة ، وهو مساعدة ازواجهن على حبهنّ ..
مها انتي بنت حلال وبتستاهلي كل خير .. رح نفتقدك كم يوم لكن انا متيقن انك ما رح تقدري تغيبي عنا كتير ، لا تغيبي عنا وجودك بيننا لا غِنى عنه ، ديري بالك على حالك ، وألف ألف مبروك وبالرفاه والبنين ..

Maybe ..............

[ghazi qasaimeh]

Congratulations
i hope that u have a happy life
my statements for u should be Different from the others
huge Congratulations for u ........My sister.......... maha

[صديقه بنت الشديفات]

رح تشتاقلك كثير مها .. لانه بصمتك واضحه في كل مكان هوووون ..
وجرش رح تشتاقلك وكل مكان مريتي فيه ..

الله يوفقك ويباركلك بحياتك وبعمرك ..

[أميرة قوس النصر]

والله يا مهااا ,, كل شي حلو وكل شي بجنن,,لكن والله بجوز أنا أكتر وحده رح تفقدك كتييييييييييييييير ,, خصوصا انه كنت دايما اشتاقلك وارن عليكي وترني علي دايما ونلتقي ونقعد بالساعات..أيام مرت متل الحلم,,أحسن شي صار من بعد ما تعرفت على محمد انه عرفني عليكي وعلى البنات بس انتي بالذات بتعرفي غلاتك عندي مزبوط عن دون الكل بتمنالك التوفيق بحياتك وإنشالله إحنا دايما على تواصل وما رح ننقطع ابدا ..
(الله يحميك يارب)

والله يا لولو بالرغم من الفارق العمري بينا الا انك اقرب وحدة علي من الناس وانتي بتعرفي هاد الحكي وما رح اترك الك مجال تشتاقي الي دايما انا هون هالموقع روحي ومن الثوابت في حياتي